藝術自由識

為響應大埔藝術中心於6月18日舉辦嘅《藝術自由識》租戶博覽，我哋舉辦咗唔同特備活動，例如：音樂玩奏體驗、流體藝術體驗工作坊、迷你攝影展、攝影體驗、刺繡示範、創意繪畫示範。

活動內容咁豐富有趣，唔怪得大家望落都咁開心啦~

​​

獅子社企共融日

感恩有機會參與今次活動，可以推廣音樂治療同藝術帶來嘅療癒，相信大家對音樂治療嘅認識都會有所增加。

我哋當日仲預備咗流體藝術工作坊俾大家玩，見到大家都對我哋嘅活動感到有興趣，真係太好喇！

沙灘肌理畫體驗坊

我哋喺2月舉辦咗沙灘肌理畫體驗坊，俾大家可以嘗試將大自然美麗嘅沙灘以肌理畫呢種咁新奇嘅藝術方式生動咁留喺畫布上面，真係好有趣！

聖誕流體藝術體驗工作坊

相信大家對流體畫都唔陌生，除咗平面作品之外，仲可以喺立體擴香石上面玩，睇住啲顏料向四方八面咁流動真係好治癮呀!

兒童音樂治療服務

我們時刻不忘初心，謹記使命，積極為有需要的兒童提供音樂治療服務。

和諧粉彩工作坊

我哋舉辦咗和諧粉彩單元工作坊，一路點住香氛聽住輕柔嘅音樂，一路隨心而畫，Chill住咁過咗個下午。

綜合畫班

藝行坊設有恆常嘅綜合畫班​俾唔同年齡層嘅朋友體驗畫畫嘅樂趣。

大家可以體驗塑膠彩、素描﹑卡通漫畫﹑水彩﹑兒童畫等等，總有一款藝術方式啱你。

Acrylic Speed Painting

我哋好榮幸能夠邀請到來自義大利嘅塑膠彩大師Giannie De Prato喺Acrylic Speed Painting 工作坊同參加者分享佢嘅創作心得同技巧。睇到參加者都好享受自由繪畫嘅過程，繪畫出一幅幅別具風格嘅畫作。好開心能夠同大家一齊享受愉快嘅創作時光呢！

​​

大埔藝術節2023

為慶祝大埔藝術中心嘅成立，藝行坊特意喺當日開設咗多個唔同嘅免費試玩工作坊，俾大家可以體驗藝術所帶來嘅快樂。

同場亦設有音樂治療嘅相關講座，推廣音樂治療，加深大家對音樂治療嘅認識。

音 · 情 · 圓缺

我哋喺3月嘅時候舉辦咗一場音樂治療講座推廣音樂治療。

透過專業嘅註冊音樂治療師講解，令大眾都能夠初步認識呢個獨特嘅治療方式。

同你心藝術同樂日

喺疫情後期，我哋同中大校友慈善基金其他成員機構一齊舉辦咗同樂日，透過音樂、故事、戲劇等藝術活動，舒緩疫情下日常生活帶來嘅壓力，推廣對精神同情緒健康嘅關注，促進家庭成員之間嘅關係同溝通，繼續以藝術同大家同行。

酒精墨水畫工作坊

我哋同Born to BE ART STUDIO合作提供日本Atelier Tau認證嘅酒精墨水畫師資課程，讓更多人認識到酒精墨水畫呢種新興藝術形式，完成課程後仲可以自己開班授徒，延續藝術帶嚟嘅好處。

書法班

藝行坊設有恆常嘅書法班​俾唔同年齡層嘅朋友體驗寫書法嘅樂趣。

相信喺我哋經驗豐富嘅導師指導下，大家都可以感受到古人點樣從寫書法中認識自我同享受內心平靜嘅時光。